"Зорлық-зомбылыққа қарсы 16 күн"

Бүгін - әйелдерге қатысты зорлық-зомбылықты жоюдың халықаралық күні. Атаулы датаға орай бүгін облыстық Өңірлік коммуникациялар қызметі алаңында "Зорлық-зомбылыққа қарсы 16 күн" акциясы тақырыбында брифинг өтті. Республикалық акция қоғамның назарын зорлық-зомбылықтың алдын алуға, әсіресе балаларға қатысты қатыгездік мәселесіне аударуға бағытталған. Жыл басынан тұрмыстық зорлық-зомбылық бойынша полицияға 4 350 қоңырау келіп түскен. Оның 393 қайталанған әрекеттер. 1 050 адамға сотпен ерекше талаптар қойылды. Бұл талаптарды бұзғаны үшін 554 ақтөбелік жауапкершілікке тартылды,- дейді құқық қорғаушылар. "Зорлық зомбылықсыз 16 күн" шарасы аясында жауапты мамандармен отбасылық құндылықтарды насихаттау бойынша түсіндірме жұмыстары жүргізіледі. Мобильді топтардың тарапынан облыста өмірлік қиын жағдайға тап болған отбасыларды анықтау бойынша және тұрмыста құқық бұзушылық жасауға бейім адамдар, сондай-ақ қолайсыз отбасылар тұрғылықты мекен-жайлары бойынша тексеру жұмыстары жоспарланған. Шараға жауаптылардың айтуынша, акция аясында полиция бөліміне әр түскен қоңырау бойынша жәбірленушілердің қауіпсіздігін қамтамасыз ету мақсатында қорғау нұсқамасы шығарылады, сондай-ақ сотпен құқық бұзушының мінез-құлқына ерекше талаптар белгіленеді. Кейін іс сотқа жолданатын болады. Тәулік бойы «111», «102», «150» жедел желісінің телефондары жұмыс істейді, оларға әрбір қоңырау шалған адам тиісті кеңес немесе қолдау алатынын айтады олар.
Количество показов: 1
Дата создания: 26.11.2025 08:44:55