Оқушылар облыстық қан орталығының қызметкерлеріне алғыс айтты. Облыстық қан орталығында 70-тен астам қызметкер бар. Бірі келген адамды тіркеп, қан тапсыру ережесін түсіндіреді, екіншісі түрлі медициналық тексеруден өткізіп, донорды дайындайды. Дәрігерлердің бәрі нәзік жандылар. Бүгін олар өздерін ерекше құрметтейтін, жұмыстарына құрметпен қарап, бағалайтын Назарбаев зияткерлік мектебінің ұжымымен кездесті. Кездесу Алғыс айту күніне орайластырылған. Қан орталығы күн сайын адамдардың алғысына бөленіп жүр. Қанға тапсырыс берушілер мен донорлардың да бұл мекемеге деген ризашылығы шексіз. Себебі, осы орталық адам өмірін сақтап қалатын қорды жинақтап, сақтап, таратып отыр. Назарбаев зияткерлік мектебінің жігіттері бүгін алғыс айтумен шектелмеді. Олар орталық ауласын қардан тазартты. Мектеп ұжымы бүгін қарттар мен мүгедектерге арналған интернатқа да барып, қолқабыс етті. Қыздар үй жинады, ер балалар қар тазалады. Ал бір топ ұстаз бен оқушы ойын сауық орталығында халықты Алғыс айту күнімен құттықтады.