Жыл соңына дейін 80 аялдама ел игілігіне беріледі
Қаланың бірнеше көшесінде ескі аялдамалар алынып, орнына жаңа заманауи үлгідегі күту павильондары орнатылуда. Жаңа аялдамалар жабық әрі желден, қар мен жаңбырдан қорғайтын жағдайға бейімделген. Кейбіреуі жарықтандыру жүйесімен, ақпараттық тақтамен және қосымша ыңғайлы орындықтармен жабдықталған. Қала тұрғындары жаңа аялдамалардың ыңғайлылығына көңілдері толатынын жеткізді. Әсіресе балалар мен қарттар үшін қолайлы жағдай жасалғанын оң бағалады. Жауапты мекемелердің айтуынша, мұндай жұмыстар биыл бірнеше кезең бойынша жүргізіледі. Жыл соңына дейін қаладағы 80 аялдама жөнделіп, ел игілігіне беріледі деп күтілуде. Жобағы 40 млн теңге қаржы бөлінген. Әуелі халық көп шоғырланатын орталық көшелердегі аялдамалар жаңартылып, кейін шағын аудандар мен шет аймақтар қамтылады. Жаңа үлгідегі павильондар қоғамдық көлікті күту мәдениетін жақсартып қана қоймай, қаланың жалпы келбетіне де сән береді, дейді шенділер. Жарықтандырылған, ыңғайлы әрі қауіпсіз аялдамалар тұрғындардың күнделікті өмірін жеңілдетуге бағытталған. Мамандардың айтуынша, алдағы уақытта аялдамаларға қосымша бейнебақылау орнату, цифрлық ақпарат тақталарын қою сынды жобалар да қарастырылып жатыр. Бұл өз кезегінде жолаушыларға көлік қозғалысы туралы нақты ақпарат алып отыруға мүмкіндік бермек. Қала билігі мұндай жұмыстарды қоғамдық көлікті пайдалану сапасын арттырудың бір бөлігі деп отыр. Сондықтан жаңа аялдамалар тек қана аялдау орны емес, тұрғындардың қауіпсіз әрі жайлы уақыт өткізетін нүктесіне айналмақ.Количество показов: 26
Дата создания: 02.10.2025 09:35:50
