Жолдарға себілетін инертті материалдардың зияны қандай?
Ауа райының құбылуы жолдағы көктайғаққа себепші. Мамандардың айтуынша, биыл көктайғақ тіркелмеген. Өткен жылмен салыстырғанда, биылғы қыс біршама тұрақты өтіп жатыр. Ал, өңір аумағында 8 бағыт бойынша республикалық маңыздағы жол бар. Жол сапасын бақылайтын "Жол активтерінің ұлттық сапа орталығы" облыстық филиалы мамандарының мәліметінше, қауіпті учаскі ретінде негізгі Самара-Шымкент-Хромтау бағытындағы автожол тіркелген. Қазір аймақта жол қауіпсіздігін қамтамасыз ету мақсатында құм мен тұз қоспалары себіліп жатыр. Қажетті техника мен инертті материалдар жеткілікті. Әр тұрғын үшін ең бастысы - жол қауіпсіздігі. Автожолдарға себіліп жатқан инертті материалдардың да жол сапасына зияны жоқ емес. Республикалық маңыздағы жолдарға төсеуге 12 карьердің шикізатынан сынама алынған. Оның үшеуінің шикізатын орталық филиалының мамандары жарамсыз деп таныпты. Қалған карьерлердің құмы қазір пайдаланылып жатыр. Мамандар бұл жолдар сапасыз болған жағдайда жол жамылғысын бүлдіруі мүмкін дейді. Қарды арнайы техникамен алдын ала тазалау, құмдарды да кезең-кезеңімен сыпырып тұру жол жамылғысының сапасы үшін аса маңызды. Қоспаға қосылатын тұз мөлшері жолдағы мұздаққа байланысты. Құм сапалы болу үшін топырақпен араласқан тастардан тазартылып, кейін арнайы техникалар көмегімен бойындағы ылғалды кептіреді. Жүргізілген жұмыстардың нәтижесінде республикалық жолдардың көпшілігінде қозғалыс қауіпсіздігі қамтамасыз етілген. Одан бөлек, "Жол активтерінің ұлттық сапа орталығымен" жыл басынан бері республикалық маңызға ие жолдарды тексеру барысында 8 ақау анықталған. Нәтижесінде мердігерлерге ескерту жасалды.Количество показов: 6
Дата создания: 16.01.2026 04:37:37
