Жедел жәрдем көлігінің қозғалысын енді «Yandex Go» арқылы бақылауға болады
«AQTOBE INVESTMENT FORUM - 2025» халықаралық инвестициялық форумында жылдың ең қолайлы цифрлық сервистерінің бірі аталып үлгерген технологиялық жаңалық таныстырылды. Яндекс Қазақстан қалада жедел жәрдем көлігінің қозғалысын тікелей Yandex Go қосымшасынан бақылау мүмкіндігін іске қосты - енді тұрғындар бригаданың қай жерде екенін және оның келуіне қанша уақыт қалғанын көре алады. Инвестициялық форумдағы негізгі оқиғалардың бірі — Яндекс Go қосымшасындағы жаңа функцияның таныстырылымы болды. Енді ақтөбеліктер өздері шақырған жедел жәрдем көлігінің қозғалысын нақты уақытта бақылай алады. Сервис бригаданың бағыты мен келу уақытын көрсететін push-хабарлама жібереді, қажет болған жағдайда сілтемені жақындарына да жолдауға болады. Бұл функция Астана мен Қостанайда колл-орталықтардың жүктемесін азайтуға көмектескен, енді ақтөбеліктерге де қолжетімді болып отыр. Айта кетейік, Yandex Qazaqstan компаниясының бас директоры Тимур Шалекенов — Ақтөбе өңірінің тумасы. Жаңа сервистен бөлек, “Яндекс Қазақстан” компаниясы елдегі өз жұмысының нәтижелерін де ұсынды. Бүгінде Қазақстан тұрғындарының әр екіншісі Яндекс сервистерін пайдаланады, ал серіктестердің табысы биылдың өзінде 521 млрд теңгені құрады. Яндекс Go экожүйесінде 578 мың белсенді жүргізуші мен курьер жұмыс істейді. Сонымен қатар «ақылды қалалар» үшін шешімдер дамып келеді. Атап айтсақ, бағдаршамдардың жұмысын нақты уақыт режимінде навигатордан бақылауға мүмкіндік беретін цифрландыру, сондай-ақ жедел жәрдем секілді арнайы техниканың қозғалысын Яндекс Карталары арқылы көру қызметі.Количество показов: 10
Дата создания: 05.12.2025 09:14:52
