“Жайсан” аумағында 160 жүк көлігі кезек күтіп тұр
“Жайсан” аумағында 160 жүк көлігі, ал Саржансай маңында 170-ке жуық көлік кезек күтіп тұр. Себеп - Қазақстан мен Ресей тараптарының өткізу жолақтарының теңгерімсіздігі. Бүгін Кәсіпкерлер палатасында "Жайсан" халықаралық автомобиль өткізу пунктіндегі жүк көліктерінің шоғырлануы мәселесі қаралды. Жүктемені азайту үшін Мәртөк ауданы “CarGoRuqsat” электрондық кезек жүйесімен 400 орындық күту аймағын, жанармай және қонақүй инфрақұрылымын салу үшін 11 гектар жер бөлді. Жоба 2026 жылдың соңына дейін іске қосылады деп күтілуде. Бүгін Ақтөбе-Жайсан шекаралық өткізу пунктіндегі жүк көліктерінің кептелісі мәселесі талқыланды. "Атамекен" облыстық кәсіпкерлік палатасында өткен жиында тасымалдаушылардың назы көпшілікке жеткізілді. Мәлімет бойынша жүк көліктері шекарада 24 сағаттан артық уақыт күтуге мәжбүр. Ведомствоаралық комиссияның көшпелі тексеру қорытындысы бойынша “Жайсан” аумағында шамамен 160 жүк көлігі, ал Саржансай маңында тағы 170-ке жуық көлік кезек күтіп тұрғаны анықталды. Себеп - Қазақстан мен Ресей тараптарының өткізу қабілетінің теңгерімсіздігі. 2025 жылы Мәртөк ауданы әкімдігі “CarGoRuqsat” электрондық кезек жүйесі арқылы 400 орындық күту аймағын, жанармай құю станциясын, қоғамдық тамақтану және қонақүй кешенін салу үшін 11 га жер бөлген. Жобаның алғашқы кезеңін 2026 жылдың соңына дейін пайдалануға беру жоспарланған. Жауаптылар инфрақұрылымдық теңгерімсіздікті жою, өткізу қабілетін арттыру және мемлекетаралық деңгейде үйлестірілген шешімдер қабылдау қажет дейді. Әйтпесе, сыртқы сауда жеткізілімдері үзіліп, тасымалдаушылар шығындары өсіп, өңірдің көлік хабы ретіндегі бәсекеге қабілеттілігі төмендеуі мүмкін.Количество показов: 7
Дата создания: 28.02.2026 07:03:11
