"Жасыл ел" жауынгерлері қала тазалығына кірісті

"Жасыл ел" сарбаздарының көмегімен қаламыздың санитарлық тазалығы бойынша жұмыстар атқарылып, тас жолдардың жиегіндегі қураған ағаштарды кесу, талдардың түбін әктеу және тұрмыстық қоқыстардан тазарту, жол бойында орналасқан жол белгілерін сырлау, қала көшелерінің жол жиегін қоқыстан тазарту, бордюрларды әктеу сияқты жұмыстар жүргізіледі. Биылғы маусымның басты ерекшелігі - облыстың жұмыссыз жастары жыл бойы жұмыспен қамтылатын болады. Мемлекеттік әлеуметтік тапсырыс аясында келісімшарт 2 жыл мерзімге жасалды. Жалпы, Жасыл ел жасағы сарбаздары әр компанияға бөлінген. "Агрокөквест" серіктестігінде осы айда 25 бала жұмыс жасайтын болады. Балаларға қаладағы тазалық жұмыстары тапсырылады, кейін олар өздерінің атқаратын жұмыстарына кіріседі. Жауынгерлер Есет-батыр, Шанхай, Тұрғындар қалашығы аудандардың тазалығына жауапты. Бүгін олар жол жиегін топырақтан тазартты. Биыл өңірде 3200 жасты жұмыспен қамту жоспарлануда. Оның ішінде: 2000 жас – көгалдандыру бағытында, 1200-і – абаттандыру және студенттік құрылыс отрядтары құрамында еңбек ететін болады. Ал жалақы мөлшері 155 000-190 000 теңге аралығын қамтиды. Еңбек жасақтарының қатарында 16 мен 35 жас аралығындағы мектеп оқушылары, студенттер және жұмыссыз жастар, NEET санатындағы жастар жұмыс істейтін болады. Жоба аясында жастар тек еңбекке тартылып қана қоймай, олардың әлеуметтік белсенділігін арттыру және салауатты өмір салтын қалыптастыру мақсатында түрлі спорттық және мәдени іс-шаралар ұйымдастырылады.
Количество показов: 11
Дата создания: 08.04.2026 06:21:44