Жас сақшылар сайысты
Ақтөбеде «Жас сақшы» кадеттері арасында спорттық жарыс өтті. Олар мини-футбол, шахмат және тоғызқұмалақ бойынша шеберліктерін сынады. Шара жасөспірімдер арасында спортты дамыту, тәртіп пен патриоттық тәрбиені күшейтуге бағытталған. Өңірлік полиция департаментінің ұйымдастыруымен «Жас сақшы» атты дәстүрлі спорттық іс-шара өтті. Оған қалалық және аудандық мектептердің кадеттері қатысты. Бұл жылы байқауға 4 қалалық және 3 аудандық команда қатысты. Кадеттер мини-футбол, шахмат және тоғызқұмалақ сияқты спорт түрлерінен сынға түсті. Ұйымдастырушылар жасөспірімдерді құқықтық мәдениетке баулу, командалық рухты дамыту және салауатты өмір салтын насихаттауды көздейді. Байқау барысында полиция қызметкерлері қатысушыларға спорттық жарыстардағы әділдік, жауапкершілік және көшбасшылық қасиеттердің маңызын түсіндірді. Жарыс соңында жеңімпаздар арнайы дипломдармен, медальдармен және естелік сыйлықтармен марапатталды. Полиция департаментінің өкілдері бұл іс-шараны болашақ қоғам қызметкерлерін тәрбиелеудің маңызды жолы деп атады, себебі жастар осындай шаралар арқылы азаматтық жауапкершілікті, тәртіпті және қоғамдық қауіпсіздікті сақтаудың мәнін түсінеді.Количество показов: 7
Дата создания: 29.11.2025 08:38:38



















