Жарылыс болған үйдің тұрғындары баспанасыз қалудан қорқады
4 маусым - Абай даңғылы бойында орналасқан №24\1 үйінің тұрғындарының жадында қорқынышты күн болып қалатыны анық. Себебі кеш құрым уақытта бір пәтерден шыққан жарылыс бірнеше баспананы зақымдады. Сол күннен бері үйлерінің алдына қоршау қойылған тұрғындар шаңырақтарына кіре алмай жүр. Үйінің ішін көру арман. Бүгін тұрғындар тілшілермен кездесіп,талап-тілектерін айтты. Таң сәрісімен жиналған жұрттың қарасы көп. Бәрінің ойында далада қаламыз ба деген қорқыныш басым. Пәтерлері зардап шеккендеріне күйінеді. Десе де, оқиға орнында сарапшылар жұмыстанып жатыр. Нәтижесі әлі шықпаған. Бірақ, тұрғындар түксіз қаламыз ба деген уайыммен жүр. Аталмыш тұрғын үйде 8 подъез бар. Қазір үшеуі жабық. Әр кіреберісте 15 пәтерден. Олардың тұрғындары белгілі бір мерзімге дейін жатақханада тұруға мәжбүр. Жарылыс болған үйдің жапсарлас көршісі оқиғаны өз көзімен көргенін айтады. Тіпті, әр қабаттың едені жарылып, асты-астына құлап жатты, дейді. Көршінің бар үміті әкімшілкте. Қазір өрт шыққан үйдің жағдайын анықтау үшін сарапшылар жұмыс істеп жатыр. Сараптама қорытындысы бір аптадан кейін дайын болады. Бұл туралы сол үйде техникалық тексеру жүргізіп жатқан “ҚазИнжинирингЦентр” сараптамалық компаниясының өкілдері мәлімдеді. Әзірге зардап шеккен үш кіреберістен басқаларында қауіп жоқ екен. Күні кеше қала әкімі Азамат Бекен пен сараптама компаниясының өкілдері пәтер иелерімен кездескен. Тұрғындарға сараптама қорытындысының 1 аптадан кейін дайын болатынын да ескертіліпті. Бірақ баспана иелері далада қаламыз ба деп алаңдайды.Количество показов: 24
Дата создания: 10.06.2025 05:44:49
