Жанқожа батыр көшесіндегі жол жұмыстары қашан бітпек?
Жанқожа батыр көшесінің жолына орташа жөндеу жұмыстары жалғасып жатыр. Ауа райының қолайсыздығына байланысты уақытша тоқтаған жұмыстар қайта жанданды. Қазір мердігер компания асфальттың екінші қабатын төсеу мен жол инфрақұрылымын жаңарту жұмыстарын жүргізіп жатыр. Бір айдың жүзі болып қалды, Жанқожа батыр көшесінің жолдарына орташа жөндеу жұмыстары жүріп жатыр. Қазір Уәлиханов көшесінен Некрасов көшесіне дейінгі 640 метр аумаққа асфальттың алғашқы қабаты төселген, сонымен қатар су ағатын арықтар мен жол жиектерін орнату қолға алынған. Жолға жауаптылардың айтуынша, кейін жолдың үстіңгі қабаты төселіп, аумақ толық абаттандырылады. Ауа райының ашықтығын пайдаланып, жол құрылысы жұмыстары үздіксіз жүріп жатыр. Жөндеу жұмыстары алдағы 25-30 күн ішінде толық аяқталуы керек. Бұл көшедегі жол жөндеу жұмыстары біршама жол кептелісін тудырып отырғаны белгілі. Осыға орай, қала тұрғынының пікірін де сұрап көрдік. Ол қазіргі таңда көлік қозғалысына кедергі келтіріп, күнделікті кептеліс ыңғайсыздық тудыратынын айтады. Әйтсе де, қала жолдары жаңарып жатқаны қуантады. Уақытша келеңсіздікке шыдаймыз, тек кейін сол жол сапалы салынса болды,- дейді ол.Жанқожа батыр көшесіндегі бұл жол учаскесін "Ассана дорстрой" серіктестігі жөндеп жатыр. Көшеге жаңа асфальт төселіп жатыр. Одан бөлек жол жиектері жөнделіп, жол бойына арық жүргізу де жоспарда. Ал қазір аталған учаскені қиыршықтас-мастикалық асфальтбетон жабынын төсеуге дайындауда.Количество показов: 7
Дата создания: 18.06.2026 08:05:30
