Әйтеке би ауданыны ауылдарына көгілдір отын жетті
Әйтеке би ауданындағы Ақтасты, Тұмабұлақ, Жабасақ және Сарат ауылдарында тіршілік қыза түскен. Ауыл көшелерінде құрылыс техникасы жүріп, бірқатар маңызды жобалар қатар жүзеге асуда. Тұрғындар көптен күткен газ құбыры тартылып, жолдар жаңарып жатыр. Облыс әкімі Асхат Шахаров Тұмабұлақ ауылындағы маңызды жобалардың жүзеге асыру барысымен танысты. Биыл Тұмабұлақ Әйтеке би ауданында газ жеткізілетін үшінші ауыл атанбақ. Сонымен қатар күзде Тұмабұлаққа көгілдір отын келеді деп жоспарлануда. Ұзындығы 53 шақырымнан асатын газ құбыры құрылысының басым бөлігі аяқталған. Сонымен қатар ауылға кіреберіс 23 шақырым жол жаңартылып жатыр. Қазір жолдың негізін дайындау және жөндеу жұмыстары жүргізілуде. Сапар барысында облыс әкімі Асхат Шахаров барлық нысандағы жұмыстардың сапалы әрі уақытында аяқталуы басты талап екенін атап өтті. Ал Ақтасты ауылына жақын күндері көгілдір отын беріледі. Биыл ауыл тұрғындары үшін ең маңызды оқиғалардың бірі - елді мекенді газдандыру. Қазіргі таңда Ақтастыда құны 416 миллион теңгеден асатын магистральдық және ауылішілік газ құбырларын салу жұмыстары жүргізілуде. Сонымен қатар, ұзындығы 14,5 шақырымды құрайтын жоғары қысымды жеткізуші газ құбырының құрылысы аяқталып, ауылішілік желілер тартылуда. Нысанды биылғы жылдың маусым айының аяғына дейін пайдалануға беру жоспарланған. Ал Жабасақ ауылында инфрақұрылымдық жобалар қарқынды жүзеге асуда. Қазір ұзындығы 13 шақырым болатын «Қарашатау - Жабасақ» автожолы жөнделіп жатыр.Сонымен қатар ауылға табиғи газ тарту жұмыстары да жалғасуда. Тұрғындардың өтініші негізінде ұзындығы 13 шақырым болатын «Қарашатау - Жабасақ» автожолын жөндеу басталды. Қазір жолдың негізі дайындалып, қиыршық тас төсеу жұмыстары жүргізілуде. Одан бөлек, Тұмабұлақ ауылында ауылдық клуб та жаңаруда. Алдағы уақытта мұнда фельдшерлік-акушерлік пункт салу көзделген.Количество показов: 13
Дата создания: 19.06.2026 08:17:44
