Қыстың қамын жазда ойла

Омархан Яхияев жеке кәсіпкер. Жеміс-жидек сату оның жылдағы кәсібі. Айтуынша, сұраныс маусымға сай құбылып отырады. Мәселен, қазір өрік, қара өрік, алма сияқты маусымдық жемістерге сұраныс жоғары. Былтырға қарағанда биыл сатып алушылар саны азайғанын тілге тиек етеді. Мұны саудагер тұрғындардың әлеуметтік жағдайының төмендеуімен байланыстырады. Бұрындары халық шие, өрікті шелектеп алуға дайын болса, қазір 4-5 келіден асырмайтын көрінеді.
Қала сыртында орналасқан бұл базарда Түркістан, Ташкент, тіпті Мысырдан жеткізілген жеміске дейін бар. Шабдалының келісі 650 тг, жүзім 800 бен 1000 тг аралығында саудаланып жатыр. Алманың келісі үшін 400-450 теңге сұраса, банан-800теңгеден, өрік-300, қара өрік-400 теңгеден сатылып жатыр. Ал қиярдың бағасы 200теңгеден, қызанақтың киллограмы 300 теңге тұрады. Бұл жерге таңмен таласа келушілер көп. Тіпті таңғы 5 болмай арзан бағада көкніс пен жемістерді тиеп әкететіндер де жетерлік. Қарбыздың бір келісі 100 тг, қауын-300 тг сатылып жатыр.
Базарда сауда қызып тұр. Талғамға сай таңдау да бар. Көтерме базарлардың басты артықшылығы – өнімнің молдығы мен бағасының қолжетімдігінде, дейді сатушылар. Құлпынай, таңқурай, өрік, алма, шие, жүзім секілді жеміс-жидектердің сан түрі күн сайын жаңарып, сапалы күйінде сатылымға шығарылады. Сауда қарқыны ерекше, таңертеңнен кешке дейін базар қызу тіршілікке толы болады. Көтерме бағамен сатылғасын, басқа сауда нүктелері таңертеңнен бастап жидектерді жәшіктеп алып кетеді. Мысалы, кәсіпкерлер бұл жерде өріктің күніне 200-250 жәшігін сатамыз, дейді.

Количество показов: 18
Дата создания: 18.07.2025 07:44:55