Ұялы байланыс антеннасы санитарлық аумақ сақталмай орнатылған

Балқытушылар көшесі мәселеге толы. Айналдырған 60 үйі бар көше тұрғындары жарты ғасырға жуық уақыттан бері мүлдем жол көрмеген. Көктем мен күзде балшықтан көз аша алмайды. Қария мен балаға толы көшеде аяқ алып жүру мүмкін емес. Кейде тіпті саз балшықтан бір-бірімізді сүйреп шығарамыз, дейді ашынған тұрғындар. Қираған жолға кәріз жүйесін жүргіземіз деп те бір шашылған. Алайда, былтыр басталған жұмыс аяқсыз қалып отыр. Ор болып қазылған жер сол күй жатыр. Маусымда шаһардағы 8 көшенің жолына күрделі жөндеу басталады. Байқау өтіп, мердігер мекем анықталыпты. Қатарында осы Балқытушылар көшесі де бар. Ал, кәріз құбырын жүргіземіз деген жеке серіктестік өкілі 60 үйдің 30-ынан ақша жинап үгеріпті. Әр үй иесі 300 мың теңгеден мердігердің есеп шотына аударған. Ал, кәріз жұмыстарын жүргізуге тікелей жауапты "Ақтөбе Су энерджи групп" АҚ-ы ол азаматтың компанияға еш қатысы жоқтығын айтады. Қызметте болмаған, тіркелмеген де. Тұрғындардың бас ауруына айналған тағы бір - мәселе К-селл ұялы байланыс компаниясы орнатқан антенна. Тұрғын үйлерге жапсарлас орналасқан көлік тұрағына қойыпты. Гараж кооперативіне тұрғындар көліктерін қоймайды. Өйткені, өзге аудандағылардың меншігінде. Компания өкілдері көше тұрғындарының келісімінсіз, тіпті, хабарласмастан құрылғыны қондырып кеткен. Ал, елде жеке тұрғын үйлердің аумағына немесе шатырына байланыс антеннасын орнату үшін белгілі бір заңнамалық және техникалық талаптар сақталуы шарт.
Гараж иесінің кім екені белгісіз.Қоқысқа толы аумақ қожайыны ұялы байланыс компаниясына келісім бергені анық. Тұрғындардың сөзінше, антенна тұрғын үйлерден 30 метр қашықтықта тұр. Талап бойынша 300 метр арақашықтық болуы шарт. Ал, бұған СЭС мамандары рұқсат берген. Ал электромагниттік сәуленің адам ағзасына зияны мол. Бұл көшеде бала мен қария көп. Антеннаны орнату кезінде ҚР құрылыс нормалары мен санитарлық талаптары сақталмаған жағдайда адам денсаулығына да зияны зор. Қуаты 100 Вт-тан жоғары антенналарды тұрғын үйлердің шатырларына орнатуға тыйым салынады. Ал, антенна оратуға рұқсат берген облыстық санитариялық-эпидемиологиялық департаменті мамандары мәселе бойынша жауап беруден бас тартты.

Количество показов: 43
Дата создания: 20.05.2025 09:22:17