Василий Грецкий - аймақтағы Ұлы Отан соғысының жалғыз ардагері

Василий Грецкий - аймақтағы Ұлы Отан соғысының жалғыз ардагері. 101 жастағы қария қазір Хромтауда тұрады. 1924 жылы Беларусьтің Полоцк қаласында дүниеге келген. 1935 жылы оның отбасын Жамбыл облысына жер аударған. Әкесі ерте қайтыс болып, Василий бес бауыры және әпке-қарындастарымен бірге ауыр еңбекке ерте араласыпты. 1941 жылы оның үлкен ағасы соғысқа шақырылады. Сталинград шайқасында жараланып, кейін үйіне оралған.
1942 жылдың шілдесінде Василийдің өзі де майданға аттанады. Ол атты әскер құрамында қызмет етіп, Украин, Беларусь, Польша, Чехословакия, Румыния және Германия майдандарында шайқасқан. Соғыстан кейін Василий Иванович Қазақстанда қалады. Оның өмір жолы мен ерлігі - жас ұрпақ үшін үлгі. Ұлы Отан соғысында ерлігімен көзге түскен Василий Грецкий түрлі марапаттың иесі. 1944 жылдың күзінде Польша мен Украина аумағындағы шайқастарда көрсеткен ерлігі үшін Қызыл Жұлдыз ордені берілді. Сулистрово маңындағы ұрыста 15 жау солдатын, ал Глойсце мен Ольховец елді мекендеріндегі шайқастарда бірнеше жау солдатын және пулемет ұясын жойғаны үшін марапатталды. ІІ дәрежелі Отан соғысы ордені соғыстағы ерлігі мен үлесі үшін берілген. Одан бөлек, соғыстан кейінгі жылдары түрлі мерейтойлық медальдарға ие болды. Бұл марапаттар ардагердің соғыс кезіндегі батырлығы мен елге сіңірген еңбегінің айғағы. ҰОС ардагері 3 бала тәрбиелеп өсірген. 6 немере мен 10-нан астам шөбереснің атасы.

Количество показов: 17
Дата создания: 12.05.2025 12:47:29