Теледидар көресіз бе?
Бүгін - Дүниежүзілік телевизия күні. Тұңғыш рет бейнені алыстан көру, яғни телевизияның нышандары өткен ғасырдың басында пайда болды. Алғашқы телехабар Лондонда 1936 жылы таратылған. Міне содан бастап әлемде телевизия саласы қарыштап дамыды. Интернет келгелі, соңғы он жылда ақпаратты қолымыздағы ұялы телефоннан ала бастадық. Қазір ақпаратты жедел әрі нақты алу үшін қолымыздағы телефонға жүгіреміз. Теледидардан берілетін жаңалықты да тосып отырмай, телефоннан қарай салатын болғанбыз. Бұл әрине, заман талабы. Әйтсе де, теледидар қарайтын адамдар жеткілікті. Әсіресе, аға буын. Әлі де жаңалықтарды қарау үшін кешке көк экранға үңілеміз,- дейді олар. Ал жас буын керек ақпаратымды ғаламторда ақ ала беремін деген пікірде. Телеарна ақпараттың қайнаған ортасы. 30 минуттық жаңалықты көрермен назарына ұсыну үшін тек тілші ғана емес, опреатор, бейнеинженер, режиссер, костюмші, эфирші, дыбыстаушы сияқты үлкен команда жұмыс істейді. Жұмыс - көрерменге сапалы, әдемі бейне, қызықты, шынайы ақпаратты жеткізу. Ал, атаулы дата - телевизияда кадрда және кадрдан тыс жұмыс жасайтын адамдардың мерекесі. Аға буынның ой-пікірін білдік. Теледидарды жиі қарайтындарын, жаңалықтарды жібермейтінін айтады олар. Ал жастар теледидар қарайды ма? Ақпаратты қайдан алады? Ал енді телевизия деген ұғым бізге қайдан келді. Тарихқа көз жүгіртіп көрелік. Тұңғыш рет бейнені алыстан көру, яғни телевизияның нышандары өткен ғасырдың басында пайда болды. Алғашқы телехабар Лондонда 1936 жылы таратылған. Міне содан бастап әлемде телевизия саласы қарыштап дамып келеді. БҰҰ Бас Ассамблеясы 21 қарашаны Дүниежүзілік телевизия күні ретінде 1996 жылы өткен бірінші Дүниежүзілік телевизиялық форумды есте қалдыру мақсатында 1998 жылдың наурызында жариялады. Мемлекеттерге бұл күнді бейбітшілік, қауіпсіздік, экономикалық және әлеуметтік даму және мәдени алмасуды кеңейту тақырыптарына арналған телебағдарламалармен алмасу арқылы атап өту ұсынылды. Мереке жақында ғана атап өте бастағанымен, тарихы бір ғасырдан астам бұрын басталды. Электронды сәулелердің көмегімен белгілі қашықтықта бейнелерді қабылдап, көрсетудің алғашқы эксперименттері 1920 жылдардың басында АҚШ-та, Жапонияда және КСРО-дан бастауын алады.Количество показов: 10
Дата создания: 22.11.2025 09:16:58
