Бүгінгі нарық заманында тауарды қайтарып беру немесе ауыстырып алу мәселелері әлі де болса өзектілігін жоймаған. Күнделікті күйбең тіршілікте қарапайым тұтынушының құқығына нұқсан келтіретін жайттармен жиі кездесіп жатамыз. Құқықбұзушылықтың мұндай түрімен тұтынушылар құқығын қорғау департаменті айналысады. Ведомоство былтыр 53 құқықбұзушылық тіркеген. Санитарлық талаптарды сақтамауға қатысты 3 бұзушылық анықталған. Жалпы тұтынушылардың көбі жиһаз дайындап шығаратын саудагерлер мен бөлшек сауда иегерлеріне көңілі толмайды екен. Жөндеу және жиһаз жинау жұмыстарына 203 шағым түссе, бөлшек саудаға 557 шағым тиесілі. 2024 жылы сауда және тұтынушылардың құқықтарын қорғау департаменті облыс азаматтарынан 1388 өтініш қабылдаған. Өңір азаматтары аталмыш мекемеге өз құқықтарын қорғауға жиі жүгінетін көрінеді. Өйткені өтініш тастаған тұтынушылардың саны өткен жылмен салыстырғанда 106 пайызға көбейіп отыр. Жалпы былтыр,тұтынушыларға 124 млн теңге қайтарылған. Сондай-ақ 730 тұтынушының өтініші оңды шешіліп, 376-сіне түсіндіру беріліпті. Тұтынушылардың басым бөлігінен келіп түсетін шағымдардың көбі тауар сипаттамасының сәйкес келмеуі не ақауы бар тауарларды қайтару мен ақшасын кері ала алмағандармен байланысты. Оның көпшілігі электорнды сауда саласында тіркелген. Электронды сауда шағымдар саны бойынша 308 өтінішпен екінші орында тұр. Әр мәселенің алдын алу үшін тұтынушы өз тарапынан қажетті дәлелдемелер келтіруі тиіс. Қазір оған мүмкіндік бар. Яғни, "e-tutynushy.kz" біріңғай жүйесінің көмегіне жүігінсе болады. Онда әр азамат туындаған сұрақтары бойынша және бұзушылықтарға тап болған жағдайда дәлелді құжаттарын тіркеп шағым бере алады.Тұтынушылардың құқықтарын қорғау қоғамымызда әлі де өзекті мәселе.Халықты алдау, сапасыз тауарды өткізіп жіберу немесе сатып алынған заттың кепілдік мерзімі аяқталмай бұзылып қалуы қоғам кесірі. Сатушы 10 күнтізбелік күн ішінде жауап бермегені үшін құқық бұзу­шы болып табылады және оны жасағаны үшін әкімшілік жауап­кер­­шілік көзделген. Ал, тауардың ақшасын қайтармай тұтынушыны әуре-сарсаңға салып қойғандарға тұтынушы бұзылған құқықтары мен заңды мүдделерін қорғау үшін аталмыш департаментке және сотқа жүгінуге құқылы.