Қазақстанның ата заңы - Конституция күніне орай тәртіп сақшылары арасында бүгін тапаншадан атудан жарыс өтті. Облыс бойынша жиналған жиырмадан астам команда бақтарын сынады. Қызметтегі шеберлікті шыңдау мақсатында өткізілген жарысты ұйымдастыру жыл сайынғы дәстүрге айналған. Тапаншадан ату жарысына жиырмадан астам команда қатысты. Арнайы жасақ сарбаздары да бар. Бір командадағы төрт қатысушының бірі - қыз бала болуға міндетті. Шарт бойынша - Калашников автоматынан 25 метр қашықтықтан ату, Макаров тапаншасынан тұрып ату сынақтары орындалды. Атыс қаруын қолданудың өз тәртібі бар. Құқық қорғау заңында қаруды қандай жағдайда қолдану керектігі толық көрсетілген. Жарыста қатысушылар көп қолданған Макаров тапаншасы берік әрі ыстыққа төзімді пластиктен жасалады. Ерекшелігі сол - қолдану ыңғайлы, құрылысы қарапайым. Отыз үш түрлі жабдықтан құралады. Жарыс нәтижесінде 1-орынды патрульдік полиция ротасының қызметкерлері, 2 - орынды Хромтау аудандық командасы, 3-орынды патрульдік полиция батальоны иеленді. Енді олар облыс намысын республикалық байқауда қорғайды.