Тұрғын жайларда қауіпсіздік талаптарын сақтау ақтөбеліктерге терең түсіндірілді
"Жатақхана" профилактикалық акциясы аясында Маресьев көшесі бойындағы жатақханада түсіндіру жұмыстары жүргізілді. Рейдке ТЖД, қала әкімдігі, тұрғын үй инспекциясы және энергетика саласының өкілдері қатысты. Жауапты мамандар жатақханадағы қауіпсіздік талаптарының сақталуын жіті тексерді. Бұл жатақхана 2025-ші жылы апатты үй ретінде танылған. Үй тұрғындары ғимарат әбден ескірді дейді. Бірақ жұртшылықтың қолы қысқа, басқа пана тұтар жерлері жоқ. Тозығы жеткен ғимараттың электр желілері жиі үзіліп қала береді. Соңғы рет осы электр сымдарынан адам өміріне қауіп төндірген өрт оқиғасы тіркеліпті. Мамандар рейд барысында анықталған кемшіліктерді түртіп алды. Жатақхана сүріле ме жоқ па ол жағы беймәлім. Ғимарат тұрғындардың өтінішімен терможаңғырту бағдарламасына сәйкес келе ме? Бұл сұрақ жауапсыз қалды. Ескірген нысан терможаңғырту бағдарламасына өтпей қалуы мүмкін. Өйткені құрылыс шығыны бағдарлама талаптарын қанағаттандырмайды. Қала бойынша мұндай байырғы 40 қа жуық нысан бар.Количество показов: 10
Дата создания: 25.09.2026 09:40:54
