Қалада 56 ірі мейрамхана, 241 шағын кафе және 6 түнгі клуб бар. Бұл көңіл көтеру орындары түнгі 10-ға дейін жұмыс істейді. Ал түнгі клубтар төтенше жағдай жарияланған күні жабылған. Мейрамханаларда күнде дизенфекция жасалып, тазалық қатаң сақталуда. Көп адамға қызмет көрсететін ірі мейрамханалардың 50 пайызы уақытша жұмыстарын тоқтатқан. Себебі 50 адамнан артық адам мейрамханаларға жиналмауы тиіс. Қонақ үй және мейрамхана бизнесі қауымдастығының төрайымы Бану Тілегенованың айтуынша тұрғындар тойларын кейінге шегеріп жатыр. Алдын ала төленген қаражаттары да қайтарылуда. Қазір мейрамханалар тағамдарды үйге жеткізу жүйесіне көшпек. Бірақ, әзірге тапсырыс жоқ. "Зере" мейрамханасы соңғы тойды 15 наурызда өткізген. Қазіргі жұмыстары той иелерінің тапсырысын қаражатымен қоса қайтару. Ал алдын ала алынған азық-түлік шығыны мейрамхананың мойнында. Бұл ресторанда той жасау үшін аз дегенде 1,5 млн теңге ақша керек. Кемінде 200-300-ге жуық адам сыяды. Қазір мейрамхана басшылығы 30 адамға арналған садақа, қонақасыларды да өткізбеуді жөн санап отыр. Барынша заң талаптарын орындауға шешім қабылдаған.Төтенше жағдай талаптарын орындамағандар жауапкершілікке тартылады. Сол себепті орындамасқа амал жоқ. Төтенше жағдай кезінде жұмысынан босатылғандардың несиесі 2 айға шегерілетін болады.