Суға түссеңіз сақ болыңыз!

Жаз - балалар үшін сауық-сайран мен жайбарақаттық кезең. Ал ата-ана өте мұқият болуы керек, себебі демалыс орындарында түрлі қауіп болуы мүмкін. Сондықтан әр ата-ана жаз мезгіліндегі қауіпсіздік ережелерімен таныс болған жөн. Жағажайға келіп, баласын жайбарақат жіберіп, телефонға телміріп отыратын ата-аналар да бар. Бақылау болмағасын бала дегенін жасайды. Мұндайда жағажай құтқарушылар дыбысты құрылғыгың көмегімен ескерту жасайды. Демалушылардың қауіпсізді басты назарда, дейді Ілия Қуандықұлы.
Жаз мезгілінде суға шомылу- балалардың сүйікті демалыс түрі. Алайда, дәл осы маусымда балалар арасында суға байланысты қайғылы жағдайлар жиілеп кетеді. Суға бату - әлем бойынша балалар өлімінің негізгі себептерінің бірі. Сондықтан әрбір ата-ана судағы қауіпсіздік ережелерін біліп, баласының құлағына құйып отыруы керек. Ең бастысы-суға ересектерсіз бармау. Суға секірмес бұрын, алдымен тереңдігін тексеріп алу, міндетті түрде құтқару жилетін кию. Досың суға батса, өзің секірмей - үлкендерді шақырған жө, дейді мамандар.Айтудың кемі жоқ. Әйтсе де, қауіпсіздік шараларына құлақ аспайтындар азаяр емес. Бала каникулда, ата-ана жұмыста. Есіктен шыққан ата-ана соңынан, бала да жөніне кетеді. Төтеншеліктердің айтуынша, әсіресе саяжай, бау-бақша ұжымы тұрғындарының балалары өздігінен суға барады. Рұқсат етілмеген, арнайы белгісі жоқ жерлерге шомылмақ болған 40 қа жуық жеткіншекті ұстаған. Өңірімізде шомылу маусымы басталғаннан бері 4 адам суға кетті. Оның үшеуі бала. Қайғылы жағдайдың негізгі себебі-рұқсат етілмеген жерде шомылу. Сондай-ақ, өз күшін асыра бағалау, балаларды қараусыз қалдыру мен мас күйінде шомылу. Сақтықта қорлық жоқ. Инспекторлар еріктілермен бірлесе ақтөбеліктерге үнпарақтар таратты.
Суға батып қайтыс болғандардың 85 пайызы рұқсат етілмеген жерде шомылған. Өңірде тыйым салынған 264 орын бар. Бұл учаскелер ескерту белгілерімен жабдықталған, мұндай жерлерде шомылған адамдар әкімшілік жауапкершілікке тартылады. Балаларды суға батудан қорғау - әрбір ата-ананың міндеті. Суға түсуден бұрын қауіпсіздік ережелерін қайталау, қарапайым ескертулер, сақтық пен сергектік - бала өмірінің сақшысы бола алады.

Количество показов: 45
Дата создания: 22.07.2025 06:37:19