Суға шомылу маусымы аяқталуға жақын

Суға шомылу маусымы аяқталуға жақын. Екі айдан бері облыстық төтенше жағдайлар департаменті мамандарының су айдындарында жүргізген рейдтері кезінде 700-ге жуық адамға айыппұл салынған. Ал, биыл суға шомылу маусымы басталғалы Шалқар, Қобда, Байғанин, Мұғалжар, Қарғалы аудандары мен облыс орталығында 6 адам суға кеткен. Былтыр осы кезеңде 11 адам оның ішінде 5 бала мерт болды. Екі айдан бері аймақта 44 жағажай жұмыс жасап тұр. Оның 23-і коммерциялық және 21-і коммуналдық жағажай. Қауіпсіздік үшін су айдындарына 33 бақылау камерасы орнатылған. Өзен бойындағы тұрғындарға дауыс зорайтқышы бар ұшқышсыз ұшу аппаратымен ескерту жұмыстары жүргізілуде.Одан бөлек, биыл жағажайда жұмыс істейтін 40 жасақшы құтқарушы тәжірибелерін шыңдап, білім алды. Ал, қаңқалы модульдік бассейндерге алдағы жылдары да балаларды жүзуге үйрету жоспарланған.
Количество показов: 35
Дата создания: 12.08.2025 08:05:42