Жолда қабылдау акциясы жалғасуда. Бүгін Малкеджар Бөкенбаев атындағы Ақтөбе заң институтының өкілдері студенттерге қысқа уақытта жедел кеңестер берді. 15 минутқа созылған акция Құдайберген Жұбанов атындағы Ақтөбе өңірлік мемлекеттік университетінің студенттері үшін өткізілді. Заң институтының өкілдері студенттердің барлық сұрақтарына жауап берді. Жастарды әсіресе оқу орнындағы тегін оқытылатын 3 айлық курс қызықтырып жатыр. Жылына үш мезгіл өтетін 90 күндік курста азамататтық құқық мамандығын меңгеруге болады. Тегін курсты күзге дейін 170 студент бітіріп шығады. Сабақ қыркүйек айында басталып кеткен. Келесі лек қаңтар айына дейін жинақталады. Бүгінгі қабылдауда "Құқықтану" мамандығының студенттері курс туралы толықтай сұрап білді. Әрі жұмысқа орналасу жолдарын да сұрады. Жарты сағатқа созылған "Жолдағы қабылдау" акциясына бір мезетте жүзге жуық студент атсалысты. Күннің салқындығына қарамастан жастар құқық қорғау органдары қызметкерлеріне көкейлерінде жүрген сұрақтарын қоя алды. Студенттер университеттің алдындағы жолаушылар жолағынан өтудің қиын екенін айтты. Сол себепті жастар тәртіп сақшыларына осы маңға жиі рейдке шығуға ұсыныс тастады. "Жолдағы қабылдау" акциясы Әлия ескерткішінің алдында да өткізілді. Қабылдауда 50-ге жуық ақтөбеліктің арыз-шағымы тыңдалған. Акция жыл соңына дейін жалғасады.