Ұстаздар 4 айдан бері жалақысыз отыр
"Білім" және "Смарт білім" жеке мектептерінен шу шықты. 750-ге жуық ұстаз еңбекақыларын ала алмай отыр. 4 айдан астам уақыттан бері олар ақысыз қызмет қылып келеді. Жалақы үзілгенімен жауапкершілікті бірінші орынға қойған педагогтер оқу бағдарламасын үзбепті. Әйтсе де қарыз бен несиенің берешегі - сабыр мен шыдамдарын тауысыпты."Білім" және "Смарт білім" жеке мектептерінде 9 мыңнан астам оқушы білім алады. Оқушыларға күнделікті мұғалімдер тарапынан білім беру үзілмесе де, олардың жалақы тоқтаған. Мұғалімдер еңбекақыларын алмағандарына 4 ай болғандарын айтады. Айлық болмағасын, өздеріңіз түсінгендей, өмір сүру сапасы да төмендеген. Ал, білім мекемесінің басшысы ұстаздардың еңбекақысын 2 айдан бері төлей алмай отырғанын айтады. Кешігіп қаржыландыру мәселесі үш жыл бойы жүріп келеді. Бүгінде мұғалімдермен түсіндіру жұмыстары жүргізілген. Тиісті құжаттар дайын болғаннан кейін ғана педагогтердің айлығы түседі, дейді Айгүл Арынғазиева. Бүгін уәде берілген он күннің 9-шы күні. Сондықтан басшылар бүгін, ертең айлықтары түседі, деп сендірді. Алдымен мектепке қаржыны Ғылым және білім министрлігі арқылы алған, одан кейін оқу ағарту министрлігі арқылы, қазір Қаржы министрлігі арқылы жүзеге асады. Қазір білім беру жүйесіндегі кезекті платформалапының өзгеруіне байланысты жалақы кешіктіріліп жатыр. Бұл жауапты орындардың айтуы. Еңбек инспекциясы департаментке мектеп мұғалімдері, не жұмысшыларынан жалақыны кешіктіру туралы арыз-шағым түспеген. Еңбекақы кешіктірілген жағдайда жұмыс беруші қалай болса да, жұмысшыларына уақытылы айлығын төлеу керек,- дейді. Жоғарыдағы сөйлеген ведомство өкілдерінің және мектеп басшысының айтуынша, мектеп жұмысшылары мен мұғалімдердің еңбекақысы 2 күннің ішінде төленуі тиіс. Ал жеке мектеп толықтай 700-ден астам адамның ақшасын өтеп беруге қауқарсыз. Қазір мектеп мұғалімдеріне берілетін қаражат 1 млрд теңгеден астам соманы құрап отыр.
Количество показов: 5
Дата создания: 27.11.2025 00:55:55
