Ақтөбеде ет бағасы тұрақты. Базарларда еттің бағасы 1550- 3000 теңге аралығында. Ет коммуналдық дүкендерге Мәртөк, Ойыл, Қарғалы, Қобда аудандарынан жеткізіліп жатыр. Саудагерлер еттің бағасы күн суытқалы көтерілген жоқ деп отыр. Сұранысқа әрдайым ие жылқы етінің құны 2100-3000 теңгеге дейін барады. Ал, сиыр еті 2000-2500 теңге аралығында. Қаладағы коммуналдық базарларда ет бағасы әртүрлі. Сұранысқа әрдайым ие жылқы еті 2100-3000 теңгеге дейін барады. Еттің сүбесі 3000 теңгеден түспейді. Жылқының қазысы да аса қымбат. Келісі 2800 теңгеден басталады. Жая бағасы 2600 теңге. Ал, сиыр еті 2000-2500 теңге аралығында. Сатушылардың айтуынша күздік, соғым уақытында еттің бағасы бұдан әрі көтерілмеуі керек. Сондықтан сұраныс азаятын сәтте ең төменгі баға деп осыны ұсынып отырмыз дейді. Саудагерлер ет әрдайым сұраныста, өнім апталап өтпей тұрған сәттер мүлде болған емес деп ақтарынан жарылды. Қазақтың ең маңызды асы- ет екені белгілі. Қазан асылмайтын шаңырақ кемде-кем. Статистикаға сүйенсек, шаһардағы ірі коммуналдық базарда күніне 4 тонна сиыр еті сатылады. Күнделікті 500 келі қой, 200 келі шошқа еті еркін өтеді. Соңғы жылдары үй құстарының еті де көбірек сатылатын болған. Коммуналдық базарларда баға өзгеріп отырады. Бірақ әлеуметтік маңызы бар тауарлардың аса қымбаттамауы қадағаланады. Бұл тізімнің ішіне сиыр еті қосылған. Ірі қараның төс еті әлеуметтік дүкендерде жеңілдікпен 1550 теңгеге сатылады.