Қазақстанда бензин мен дизельдің шекті бағасы бекітілді. Энергетика министрлігінің бұйрығы бүгіннен бастап күшіне енді. Ақтөбеде жанар-жағармай бекеттеріндегі жағдай қандай? Солярка тапшылығы бар ма? Бұл-Хромтау тас жолының бойында орналасқан "Батыс-жер" кемпингі. Қазір мұнда 30 шақты транзиттік көлік тоқтап тұр. Жүргізушілердің дені шетел азаматы. Олардың шекара аса алмай отырғанына бірнеше сағат болған. Дизель отынын сатпай жатыр, дейді олар. Себебін түсіндірмеген. Камаз жүргізушісі осыдан екі апта бұрын дәл осы жерден отынды литріне 230 теңгеге сатып алған. Қазір мұнай өнімінің бағасы өзбекстандық азамат үшін 350 теңге, оның өзін талонмен ғана беріп жатыр, дейді Аллахберді Салиев.Кемпинг қызметкерлері шетел азаматтары үшін уақытша бензин сатылмайтынын айтады. Министрлік бекіткен ережеге сай, дизель отынының бағасы санат бойынша сатылмақ. Мәселен, қазақстандықтар үшін лимит күніне 100 литр. Ал литрінің бағасы 230 бен 260 теңге аралығында. Қазақстан Республикасында көлік құралдарын тіркеу туралы куәлікті көрсеткен кезде жүк, арнайы, мамандандырылған автомобильдер мен автобустар үшін бекітілген лимит 300 литр үшін тәулігіне өңіріне қарай литріне 230-260 теңге бағамен сатылмақ. Аи-80 маркалы бензин 89 теңге, Қостанай мен Солтүстік Қазақстан облыстарында Аи- 92 және Аи-93 маркалы бензиннің бағасы литріне 187 теңге, Қазақстанның басқа облыстарында литріне 182 теңге, дизель отынының бағасы литріне 450 теңгені құрайды.