"Өз үйім болса" деп армандайтын азаматтар үшін тағы мүмкіндік туды. Бүгін Тұрғын үй құрылыс жинақ банкі "Шаңырақ «5-10-20» бағдарламасы бойынша азаматтардан өтініш қабылдай бастады. Өтінішті үй кезегіне биыл тұрған адамдар да бере алады. Бұл бағдарлама үй кезегінде тұрған баспанаға мұқтаж азаматтарға арналған. Бұған дейін аталмыш жобаға тек 1986 мен 2017- жыл аралығында кезекте тұрғандар қатысты. Енді 2018,2019, 2020 жылдары кезекке тұрған азаматтар да өтініш бере алады. Басты талап - өтініш берушінің тұрақты жұмысы болуы шарт. Қазір ақтөбеліктер арасында "Шаңырақ" бағдарламасы бойынша баспаналы болғандар да бар.Жылдық 5% мөлшерлемемен несие алу үшін үміткер үй кезегінде тұруы керек. Сондай-ақ, «Тұрғынүйқұрылысжинақбанкі» АҚ шотында үй бағасының 10 пайыз мөлшерінде жинағы болуы шарт. Несие 20 жылға дейін беріледі. Ал өтініштер жыл соңына дейін қабылданады.