Шаһардағы жағымсыз иістің ошағы анықталды

Жаз басталса шаһарда ауа жұту мүмкін емес. Мүңкіген иіс бірнеше жылдан бері қала тұрғындарының бас ауруына айналды. Ақтөбеліктер жағымсыз иістің 41-ші разъезд пен тұрғындар қалашығы ауданында қатты шығатынын айтады. Таза ауаға зар болған халық қала экологиясына алаңдайды. Жаз басталса қаланы сасық иіске бөлейтін жердің ошағы табылған. Мамандар ол үшін арнайы ауа сараптамасын алыпты. Алға ауданы Бестамақ ауылы мен шаһар арасында орналасқан "Ақтөбе Агро" шаруа қожалығы. Қаламыздағы 41-разъезд ауданындағы құс фабрикасынан көп мөлшерде құс өнімін сатып алып, оны 120 гектар жерді тыңайтуға пайдаланады. Осылайша, ұрықтану кезінде оның иісі бүкіл қалаға желмен таралады. Қазір 41-ші разъезде орналасқан құс фабрикасы мамандардың назарында. Жағымсыз иісті кетіру үшін шаруа қожалығының басшылығына тыңайтқышты аталған учаскеде ендігі пайдалануға жол бермеу туралы нұсқама беріпті. Олар екі-үш күн ішінде тыңайтқыштың қалған қалдықтарын қала мен елді мекендерден алыс орналасқан алқаптарға шығаруға міндетті. Шаруа қожалығы жұмыстарды екі ай ішінде аяқтауға уәде берді.
Количество показов: 30
Дата создания: 10.06.2025 05:42:42