Шаһарда "Менің Ақтөбем" байқауы өтіп жатыр

"Менің Ақтөбем" байқауына қатысып жатқан көп қабатты тұрғын үйдің бірі - Ғ.Жұбанова көшесіндегі №3Ж үйі. 5 қабатты, 8 подъезі бар. Баспана тұрғындардың қарауында. Ұйымшыл, ауызбіршіліктері мықты көршілер барлық жүкті жұмыла көтереді. Аулада 100-ден астам ағаш отырғызылып, гүлдер егілген. Құдды бір саябақта жүргендей күй кешесің. "Тұрғын үйдің ауласы байқауға қатысуға әбден лайық" дейді қалалық мәслихат төрағасы Анар Даржанова. Тұрғындардың ісі көпке үлгі. "Менің Ақтөбем" байқауы қаланы абаттандыру мен көгалдандыру бастамаларын қолдау мақсатында жыл сайын өтеді. Аулаларын, жеке үйлерінің маңын, кәсіпорын немесе ұйым аумақтарын көгалдандырумен және абаттандырумен айналысатын барлық қала тұрғыны қатыса алады. 5 номинация бойынша өтінімдер қабылданып жатыр."Менің Ақтөбем" байқауы қаланы абаттандыру мен көгалдандыру бастамаларын қолдау мақсатында жыл сайын өтеді. Аулаларын, жеке үйлерінің маңын, кәсіпорын немесе ұйым аумақтарын көгалдандырумен және абаттандырумен айналысатын барлық қала тұрғыны қатыса алады. 5 номинация бойынша өтінімдер қабылданып жатыр."Менің Ақтөбем" байқауының аудандық кезеңі 20-шілдеге дейін жалғасады. Жеңімпаздар демеушілердің қолдауымен алғыс хаттар және қаржылай сыйлықтармен марапатталады. Көп қабатты тұрғын үйдің ең үздік ауласы үшін 1 млн. теңге сыйақы тағайындалған. Айгүл Әбдікәрімова "үздік деп танылсақ, балалар алаңын салдырамыз" дейді.
Количество показов: 120
Дата создания: 19.06.2025 09:55:29