Шаһарда аймақаралық бильярд турнирі өтті
Шаһарда спорт ардагерлері арасында өткен «Батыс Сениор» атты аймақаралық бильярд турнирі мәресіне жетті. Сайысқа Орал, Атырау, Ақтау және Ақтөбе қалаларынан келген командалар қатысты. Ақтөбеде бильярд әзірге аса танымал болмағанымен, бұл спорт түрін дамытып, жаңа ойыншыларды үйретуге ұмтылатын нағыз жанкүйерлер мен спорт шеберлері бар. Турнир жаңа Kings Club Billiards бильярд клубында өтті. Ә.Молдағұлова даңғылында орналасқан клубтың ашылғанына небәрі жеті ай болған. Қазанның 26-сы күні турнирдің жеңімпаздары мен жүлдегерлерін марапаттау рәсімі өтті. Қазақстанның батыс өңірлерінің арасында ұйымдастырылатын бұл турнир әзірге тарихта екінші рет өткізіліп отыр. Аз уақыт ішінде аймақтағы бильярд спортын дамытуға зор үлес қосып келеді. Жалпы жүлде қоры - 1 миллион 800 мың теңге. «Батыс Сениор» аймақаралық турнирі бильярд әуесқойлары үшін нағыз мерекеге айналды. Ақтөбеде бұл спорт түрі енді ғана дамып келе жатса да, оны насихаттауға және жастарды спортқа тартуға талпынып жүрген белсенділер бар. Мұндай бастамалар спорттық рухты көтеріп, жаңа буын актюбеліктердің қызығушылығын арттырары сөзсіз. Клуб жанынан бильярд академиясы ашылған. Онда балалар мен ересектер тұрақты түрде жаттығып, өз шеберліктерін шыңдап жүр. "Біздің мақсатымыз – бұл спорт түрін кеңінен насихаттап, барынша көп адамды бильярд ойынына тарту. Өйткені бильярд – бұл тек ойын емес, бұл эстетика мен мәртебе", дейді Салтанат Есенаманова.Количество показов: 32
Дата создания: 29.10.2025 07:18:19
