Қала орталығында орналасқан "Шағала" бассейнінде бүгін ата-аналар шу шығарды. Таңғы бестен бастап ұзын-сонар кезекке тұрған ақтөбеліктер мекеме қызметкерлерінің жұмысына наразы. 300-ге жуық адамның бәрі баласын бассейндегі жүзу үйірмесіне бергісі келеді. Алайда мұнда орын шектеулі. Мекеме басшысы Талғат Тақабаевтың айтуынша, биыл тек 5 топ ашылып, оған 8 бен 10 жас аралығындағы 80 бала қабылданады. Ал "Шағала" бассейнінің басшысы Талғат Тақабаевтың айтуынша, бұл қалыпты жағдай. Айқай-шу жылда қайталанады. Бүгін де ұзын-сонар кезектен аяқ алып жүру мүмкін емес. Бұл жерге бір айлық балаларын көтеріп келгендер де жүр. Ұйымдастыру жағына наразы жұртқа мекеме басшысы, бәрібір ештеңе өзгермейтінін айтты. Талғат Тақабаевтың айтуынша, бассейнге балаларды қабылдау әділ жүргізіледі. Әр баланы жаттықтырушы өзі іріктейді. Жүзуден олимпиадалық резервтегі мамандандырылған балалар-жасөспірімдер мектебі 300 адамға шақталған. Мемлекеттік болғандықтан, тегін қызмет етеді. Баласының жүзуден чемпион болуын армандайтындар көп. Бірақ, үміткерлер жас ерекшелігі, бойы мен денсаулығына қарай іріктеледі.