Сазды өзенінің жағдай көңіл көншітпей тұр,- дейді қала тұрғындар

Арнасы қаланың қақ ортасынан өтетін Сазды өзенінің жағдайы түзелер емес. Өзен ішіне қоқыс қалдықтары жиналып, аумақты қалың шөп басқан. Тұрғындардың айтуларынша бұл жердің қазіргі жағдайы көңіл көншітпейді. Және бұл мәселенің бір күнде пайда болмағанын, жылдан жылға жалғасып келе жатқан түйіні шешілмеген мәселе екенін айтады. Сазды өзені қаламыздың ең маңызды су арналарының бірі. Алайда бүгінде өзеннің ішіне қоқыс үйіліп, маңын қалың шөп басқан. Тіпті кей тұстарда су арнасы да көрінбейді. Тұрғындардың айтуынша, өзеннің орталық бөлігінде тазалық сақталғанымен, шеткері аумақтардың жағдайы мүлде басқа. Олар жағалауды жүйелі түрде тазалап, абаттандыру жұмыстарын тұрақты жүргізу қажет екенін айтады. Тұрғындар бұл мәселенің бүгін немесе кеше ғана пайда болмағанын айтады. Жылдар бойы шешімін таппай келе жатқан түйткілдің салдарынан өзеннің экологиялық ахуалы нашарлап барады дейді. Себебі өзеннің суы тартылып, қалың шөп басып кеткен. Одан бөлек, ірі сауда үйінің жанында болғасын, ол жүрде жүретін адам көп. Қоқыс тастайтындары да жоқ емес. Тұрғындар жауапты мекемелер бұл мәселеге назар аударып, тазалау жұмыстарын күшейтуді талап етеді.
Количество показов: 8
Дата создания: 18.07.2026 06:59:03