Сарбаздар аналарымен кездесті

"Әскер-ананың көзімен". Бүгін қаламызда осындай атаумен алғаш рет ерекше іс-шара өтті. Атаулы шара мерзімді қызмет сарбаздарының күнделікті өмірін жақындарына ішкі жағынан көрсетуге бағытталған. Отан алдында борышын өтеп жатқан баламның күнделікті өмірімен көріп танысамын деп еліміздің қалаларынан жиналған 20 ана келді. Антыңа адал бол- жас сарбаз! Отан алдында борышын өтеп жүрген баласының амандығын тілеп, аман-есен оралғанша деп тосыла, сағынышпен күтетін аналардың көңілі көншіді бүгін. Олар "Әскер- ананың көзімен" акциясына шақырту алып, сарбаздың әскердегі ішкі өмірімен танысты. Ақтөбе қаласында әскердегі баласын көруге келгендердің бірі Оралдық Айнұр Марданова. Дүниеде ананың перзентіне деген махаббаты ерекше. Мейлі бұғанасы бекімеген жас бала болсын, қару асынып ел тыныштығын күзеткен айбарлы жауынгер болсын, ана жүрегінде ол сәби қалпында қала бермек және балаға деген уайым мен сағыныш әр сәтте сезіледі. Сағыныштан мауқын басқан аналар мұндай шара болады деп ойламадық, бізге аяқ асты толын сый болды,- дейді олар.
Қаламыздағы 302-38 әскери бөлімінің есігі бүгін аналар үшін арнайы ашылды. Әскерлердің жақындары жауаптыларға өздерін қызықтыратын сұрақтарды қойды. Сарбаздарға киім-кешек, берілетін күнделікті гигиеналық заттары жеткілікті ме- жауап алды. Қару-жарақ пен әскери техниканы көріп, сарбаздар асханасына да барды және әскери қызметшілердің тамақтануы қандай, мәзірлерімен танысты. Бүгінгі шараға еліміздегі қалалардан 20 сарбаздың жақындары келді. Баспасөз турына қатысушылар казармаларды және жеке құрамның өмір сүру жағдайларын көрді. Шара өңірімізде алғашқы рет ұйымдастырылып отыр.

Количество показов: 55
Дата создания: 15.11.2025 08:12:03