“Салт пен сана” дәстүрлі ұлттық көрмесі өтті

Бүгін қаламыздағы №51 мектеп гимназиясында “Сыбаға” фестивалі аясында “Салт пен сана” дәстүрлі ұлттық көрмесі өтті. Мектепте ұстаздар, оқушылар және ата-аналар тарапынан ұлттық құндылықтар дәріптелді. Оқушылардың өз қолынан шыққан өнерлерін, оның ішінде щи тоқымалары, киіз, алаша, сияқты туындыларын көпшіліктің назарына ұсынды. Ата-аналар болса қазақтың ұлттық тағамдары дайындады. №51 гимназия мектебінің дәлізінде бүгін ұлттық ойындар ойналып, қызылды-жасылды дәстүрлі киім киген оқушылар би билеп, Құрманғазының күйі шертілуде. Бұл "Сыбаға" фестивалінің алдында ұйымдастырылып жатқан шара. Тіпті мұнда қазақтың жеті қазынасына кіретін тазы мен бүркіт те бар. Ұлттық құндылықты, оның ішінде ұлттық киім, салт-дәстүрді дәріптеуге соңғы жылдары аса мән берілген. Бұл әрине қуантады. Салтын білген, өнері мен күйін, жеті атасын білген ұрпақтың болашағы қашанда жарқын. "Сыбаға" фестивалі – ата-баба мұрасын жаңғыртып, ұлттық құндылықтарды бүгінгі ұрпақ санасына сіңіруге бағытталған маңызды мәдени бастама. Мемлекет басшысы атап өткендей, ұлттық рухты көтеріп, жас буынды дәстүр арқылы тәрбиелеу – ел болашағының берік негізін қалыптастырады. Осы бағытты мақсат тұтқан "Сыбаға" фестивалі өңір жұртшылығына мазмұны терең, тағылымы мол кең ауқымды бағдарламалар ұсынады. 4 желтоқсан – "Тағылым" күні. Білім беру ұйымдарында жалпы ұлттық құндылықтарды дәріптейтін танымдық сабақтар мен шеберлік сағаттары өтті. "Сыбаға" – ұлттық құндылықтарды жаңғыртып, ұлт болмысын сақтауға бағытталған бірегей мереке. Фестиваль облыстың әр ауданында өтетін болады. Шара аясында ұлттық киімді, ұлттық спортты, өнерді тағамдарды дәріптеу күндері болып бөлінеді.
Количество показов: 101
Дата создания: 05.12.2025 09:10:08