Ұрпаққа мәңгі мұра

Қазақтың тарихы мен әдебиетін Абайдың шығармаларынсыз елестету мүмкін емес. Абайдың қара сөздері - тәрбиенің қайнар көзі, адамзатқа рухани азық, ерекше тәлім беріп, адамгершілікке үндейді. Ұлы ақынның қара сөздерінің барлығы да сол замандағы әлеуметтік күрделі мәселелерді сөз еткенімен, бүгінгі таңда да қара сөздеріндегі ғибратты ойлары, ақыл-кеңестері әлі де маңыздылығын жойған жоқ. Зағиптар да заманға бейімделе алады. Олардың саусақ ұшындағы өз әлемі бар. Мұндай жандарға кітап қоры аз болса да, қазақтың классик ақындарын үзбей оқитындары жетерлік. Соның ішінде хакім Абайды сүймейтіні жоқ. Ал оның 45 қара сөзі хадис іспеттес, дейді қатысушылар. Сүйсініп те, тамсанып та оқуға тұрарлық. Ерекше кітапзананың тұрақты оқырмандарының бірі Дидар Абай Құнанбаевтың шығармаларын мектеп жасынан жаттап өскен. Бүгін ол с.йікті ақынының қара сөздерін айтып, жұртты тәнті еттті.Ішінде өзіне жақын, мазмұны терең сөздері бар екенін тілге тиек етеді. Шараның мақсаты-көркем шығармаларды насихаттау, аудио кітаптарды оқуға қолжетімділікті кеңейту, көру қабілеті бұзылған адамдардың оқу мәдениеті мен қызығушылығын арттыру. Айта кетсек "Әдеби такси" жобасы қаңтар айынан бастап жүзеге асып келеді. Яғни инвотакси шақыртқан әр зағип жан аудио кітап тыңдап баратын жеріне жетеді. Бұл оқырмандар арасында оң әсерін берді,-дейді кітапхана қызмтекерлері.
Іргетасы 1969 жылы қаланған облыстық зағиптар және нашар көретін азаматтардың арнаулы кітапханасы облыстағы көру мүмкіндігінен айырлғандарға және кітапхана орналасқан аудан тұрғындары мен мектеп оқушыларына қызмет етіп келеді. Қазіргі таңда кітапханада 40 мыңнан астам кітап қоры және 1650 оқырманы бар. Арнаулы зағиптар кітапханасы көптеген республикалық, облыстық байқауларға және халықаралық шараларға қатысып, жүлделі орындар алып, әр түрлі дәрежедегі дипломдар, алғыс хаттар, сертификаттарға ие болып жүр.

Количество показов: 20
Дата создания: 25.07.2025 08:01:47