Іргедегі Бестамақ ауылында мал арасында ауру тарап жатыр. Мүйізді ірі қараның сілекейі ағып қызуы көтерілсе, буыны әлсіреген қой-ешкі бауырын жерден көтере алмай жатыр. Жергілікті шенеуніктер бұл кеселден малға да, адамға да қауіп жоқ деп отыр. Ауру белгілері аусылға ұқсағанымен, ондай қауіпті емес деп сабырға шақырады.
Індет малдан малға жұғады. Ринотрахеит жұқтырған мал төл тастайды екен. Сауынды сиыр болса, сүті қашады дейді мамандар. Ал етін ауру жазылған соң екі аптадан кейін жеуге болады.