Психологиялық қолдауға зәру балалар қайда барады?
Кәмелетке толмағандар арасында буллингке ұшырап жүрген, қиын мінезді балалар мен жасөспірімдер аз емес. Жыл басынан бері «JAN AHUAL» психологиялық қолдау орталығының мамандарына 2 мыңнан астам өтініш келіп түскен. Осыған орай, бүгін орталықта қалалық және аудандық білім бөлімдерінің басшыларына арналған облыстық дөңгелек үстел өтті. Басшылар «Қауіпсіз орта қалыптастыру: үйлесімді қарым-қатынастар жолын» талқылады. «JAN AHUAL» психологиялық қолдау орталығындағы бүгінгі шараның өткізілуі тегіннен тегін емес. Орталық мамандарына жыл басынан бері 2 мыңнан астам өтініш келіп түскен. Барлығы мектепте, тұрмыста буллингке ұшыраған, мінезі ауыр, психологиялық қолдауға зәру білім алушылардың ата-аналары мен заңды өкілдері. Бүгін қалалық және аудандық білім бөлімдерінің басшылары дөңгелек үстел басына жиналды. Мамандар «Қауіпсіз орта қалыптастыру: үйлесімді қарым-қатынастар жолын» талқылады. Білім беру саласында қауіпсіз, сенімді және үйлесімді қарым-қатынастарды қалыптастыру жолдары, соның ішінде мектептегі психологиялық климатты жақсарту, педагогикалық қолдау жүйесін тиімді ұйымдастыру, балалар мен жасөспірімдер арасындағы сенімді қарым-қатынасты нығайтудың шешімін табуға тырысты. Орталық басшысының сөзінше, түзету, дамыту, алдын алу жұмыстары жүргізілуі тиіс. Мәселемен келген жанға бірінші басшы тарапынан кеңес пен қолдау болуы шарт. «JAN AHUAL» психологиялық қолдау орталығы былтыр ашылды. Мұнда "Жан сыры" консультациялық үш кабинет жұмыс жасайды. Жеке, топтық және 5 жастағы балабақша тәрбиеленушілері арасындағы кабинеттер. Мамандар 5 пен 18 жасқа дейінгі кәмелетке толмағандарға қолдау білдіріп, мәселені шешуге көмектеседі.Количество показов: 77
Дата создания: 21.11.2025 09:06:03
