Облыстың бас прокуроры Нұрғалым Әбдіров Зауыт полиция бөлімінде ашылған кезекші прокурор кабинетінде бүгін қоғамдық қабылдау өткізді. Кабинеттің қажеттілігіне көзімді жеткіздім дейді. Егер бұрын қылмыстық істер 48 күн қаралатын болса, кезекші прокурор кабинеті ашылғалы бері бұл мерзім 16 күнге қысқарды. Қазір әр қылмыстық іс тергеуде 5 күн, прокурордың алдында 1 күн және сотта 10 күн қаралып жүр. Болашақта істі қараудың уақытын алты күнге азайту жоспарланып отыр. Бұдан бөлек, Зауыт полиция бөлімінде күдіктіден, не куәгерден жауап алу бөлмесі жасақталды. Онда бейнекамера қойылған. Тергеуші мен жауап беруші арасындағы әңгіме бейнетаспаға жазылады. Кезекші прокурор істі сол жерде қарап, зерттеп, бірден сотқа жолдай алады. Сөйтіп, уақыт үнемдейді. Прокурор кабинеті ішкі істер департаментінің барлық бөлімдерінде ашылған. 1-маусымнан бері аудандық ішкі істер бөлімдерінде бар.