Полицейлер болашақ дәрігерлермен кездесті
Қалада шетелдік студенттерге құқықтық сауаттылығын арттыруға бағытталған ақпараттық кездесу өтті. Облыстық Полиция департаменті ұйымдастырған дәрісте Қазақстан Республикасының көші-қон заңнамасын сақтау және интернет-алаяқтықтың алдын алу мәселелері талқыланды. Кездесу барысында шетелдік студенттер мен азаматтарға тіркеу, уақытша тұру, еңбек қызметі тәртібі, сондай-ақ интернеттегі алаяқтықтан қорғану жолдары түсіндірілді. Бүгін тәртіп сақшылары шетелдік студенттерге құқықтық сауаттылық бойынша дәріс өткізді. Дәріс аясында ҚР аумағында болу тәртібі, көші-қон заңнамасының негізгі талаптары мен уақытша тіркеу, оқу мерзіміне байланысты құжаттарды рәсімдеу туралы айтылды. Мұндай іс-шаралар студенттердің өз құқықтары мен міндеттерін білуге, заң талаптарына жауапкершілікпен қарауға көмектесетінін атап өтті ұйымдастырушылар. Соңғы жылдары елімізге шетелден оқуға келген студенттер саны артып отыр. Тек осы жылы Марат Оспанов атындағы Батыс Қазақстан медицина университетіне 1 270 шетелдік студент оқуға түскен. Шара аясында студенттерге интернет-алаяқтықтың алдын алу тақырыбында ақпарат берілді. Кездесудегі басты мақсат шетелдік студенттердің қауіпсіздік жағдайын қадағалап, үйрету. Ұйымдастырушылардың айтуынша, мұндай ақпараттық кездесулер алдағы уақыттада жалғасын табады.Количество показов: 13
Дата создания: 24.12.2025 11:36:34
