Өткен демалыс күндері толассыз қар аралас жаңбыр жауып, республикалық, жергілікті маңызға ие тас жолдар жабылған болатын. Ал коммуналдық мекемелерге бұл нағыз сынақ болды. Қыс басталғалы қала жолдарын күтіп ұстауға 10 мердігер компания жұмылдырылған. Қарды 200-ге жуық техника көмегімен аршып жатыр. Онымен бұл күштер орталық даңғылдардан артылып жатқан жоқ сияқты. Ақтөбеліктер жауаптылардың қала және облыс жолдарын тазарту жұмысы баяу деп қынжылады. Әсіресе уақытында құм-тұз қоспасы себілмейді, дейді. Қыс түскелі 6 мәрте тас жолдар жабылған.Ақтөбеде көктайғақтың салдарынан соңғы екі күнде ауруханаға 25 адам түсті. Әсіресе кеше мұзға тайып мертіккендер көбейген. Құбылмалы ауа-райы көлік пен жаяу жүргіншілердің қозғалысын қиындатып тұр. Қала ішінде жолдар мен тротуарларды таза ұстауы тиіс мердігерлер үлгермей жатыр. Қыс түскелі қала жолдарын күтіп ұстауға 10 мердігер компания жұмылдырылған. Қарды 200-ге жуық техника көмегімен аршып жатыр. Онымен бұл күштер орталық даңғылдардан артылып жатқан жоқ сияқты. Бүгінге дейін полигонға 3000 текше метр қар шығарылған. Қар түскелі тас жолдар 6 рет жабылған болатын. Төрт мәрте республикалық, екі рет облыстық маңыздағы жолдар жабылды. Бүгінде барлық бағыттағы жолдар ашық.