Қалада осыдан екі ай бұрын жасалған мал ұрлығы ашылды. Барымташы қараша айында іргедегі Пригородный ауылында шаруа қожалығынан 3 бас жылқыны алдына салып айдап кеткен. Қолға түскен күдікті қылмысын мойындап, мал сойған жерін өзі көрсеткен. Бұл сойылған ірі қараның терісі, бас, сирақ сүйектері. Айғақ заттар мен малды сойған жерді күдікті полицияға өзі көрсеткен. 36 жастағы ер адам іздеу операциясы кезінде тәртіп сақшыларының қолына түсіп, қылмысты жасағанын мойындаған.
Өткен аптада жалпы бұрын жасалған 21 қылмыс ашылды. Сондай-ақ, 173 қылмыс тіркелді. Оның ішінде 40 - ы алаяқтық, 45 - і жеке мүлікті ұрлау, 2 - і мал ұрлығы, 4 - і тонау фактілері. Сонымен қатар, 2800 - ден астам әкімшілік құқық бұзушылық тіркелді.