Ал Тұңғыш Президент атындағы орталық саябақта 4 киіз үй тігілді. 2 киіз үйде балалар қолөнерінің көрмесі ұйымдастырылды. 3-ші киіз үйде «Ақтөбе» футбол клубының, жергілікті спорт майталмандарының және облыстан шыққан чемпиондардың жетістіктерін дәріптеу бойынша көрме ұйымдастырылып, олар шеберлік сабақтарын өткізді. 4-ші киіз үйде облысымызға белгілі ұлттық қолөнер шебері Лена Сахариева сабақ жүргізді.
Балалар алаңқайы орналастырылып, балалар үшін түрлі ойын-сауық шаралары ұйымдастырылған. Сахнада жергілікті өнерпаздар концерт қойды.
Жалпы бүгін кәсіпорындар мен ұйымдар қаланың түрлі аудандарында және ауылдық округтерде 63 киіз үй тіккен. 14-ші наурыздан бері ақтөбеліктер үшін 13 мың литрге жуық Наурыз көже, 11 тонна палау, 10 тонна бауырсақ дайындалды.