Облыстық полиция департаменті тергеу басқармасының бастығы ұсталды. Полковник Евгений Годлевский ірі көлемде пара алды деген күдікке ілінді, - деп хабарлайды Tengrinews.kz. Жоғары шенді полиция қызметкерінің ұсталуы көбіне тосын жағдай болған, себебі Годлевскийдің құқық қорғау органдарында 25 жылдық еңбек өтілі бар. Күзде ол зейнетке шығады.Облыстық ПД баспасөз қызметі өкілдері қамауға алу туралы деректі растады, бірақ басқа ақпарат таратпаған. Департамент бастығы Атығай Арыстанов әлеуметтік желілерде тергеу басқармасы қызметкерлерінің іс-әрекеттерінде бірқатар заңбұзушылық анықталғанын ғана жазған.