Облыста жаңа оқу жылына дайындық жүріп жатыр

Ата-аналар мен мұғалімдер оқу жылының қауіпсіз әрі сапалы басталуына үміт артып отыр. Қазіргі уақытта 17 білім беру мекемесінде күрделі жөндеу жүргізілуде. Оның ішінде 11 мектеп, 5 балабақша, 2 колледж және 1 қосымша білім беру ұйымы бар. Барлық жұмыс 20 тамызға дейін аяқталуы тиіс. Десе де, қаламызда 3 жылдан бері құрылысы бітпей тұрған мектеп ғимараты бар. Дәлірек айтқанда №51 гимназияның жанынан салынып жатқан қосымша ғимарт. Құрылыс жұмыстары тоқтап тұр, айналасы қоршаулы. Басы бар да, аяғы жоқ нысанның құрылысы қашан аяқталатынын білім басқармасындағылар да білмейді. Әлеуметтік жағдайы төмен отбасыларға қолдау бар. Осал топтан шыққан, төтенше жайғдайлардан зардап шеккен, ата-ана қамқорынсыз қалған оқушыларға да әлеуметтік көмек тағайындалмақ. Өңірде осы санаттағы 16 мыңнан астам оқушы мектепке барады және олардың әр қайсысына 46,200 теңгеден көмек беріледі.Өңірде 244 мұғалім тапшы. Бұл мәселені шешу үшін тамыз айында бос жұмыстар жәрмеңкесі өткізіледі. Айта кетейік, қазір облыс бойынша 14 500 орынға арналған 31 білім беру нысанының құрылысы жүріп жатыр. Олардың қатарында 26 мектеп, 4 балабақша және 1 қосымша білім беру мекемесі бар. Жеке инвестор есебінен 1000 орындық мектеп те салынуда. Сонымен қатар, 3 мектепке спорт залдар салу жұмысы жүргізілуде.
Количество показов: 43
Дата создания: 31.07.2025 08:59:47