Оқушылардың дұрыс тамақтануына алаңдаған шенеуніктер мектеп асханаларындағы ас мәзірі мен асхана жағдайын өз көздерімен көруді жөн санады. Бірнеше топқа бөлінген олар облыстағы барлық 395 мектепті аралауды жоспарлап отыр. Бүгін сараптама тобы мүшелері қаладағы №34- орта мектептке бас сұқты. Бұл мектепте ыстық тамақ оқушыларға күніне екі мезгіл беріледі. Аз қамтылған отбасылардың балалары тегін тамақтанады. Барлық мектептердің асханалары балалардың дұрыс тамақтануын қамтамасыз етулері қажет. Зиянды болып саналатын сағыз, чипсы, газдалған сусындар, куырылған бәліш секілді балалар әуес тағамдар сатылмауы тиіс. №34- орта мектеп 1960- жылы салынған типтік білім беру мекемесі. Мектептің асханасы мәжіліс залымен бірігіп кеткен. Сондықтан 600 оқушыны тамақтандыруға тарлық етіп тұр. Сарапшылар асхана мәзірінен айтарлықтай кемшілік таппады. Дегенмен, асхана қызметкерлеріне балалар азығының сапасына, құнарлығына аса мән беруді қатаң ескертті. Сонымен қатар, асхананың бөлек орналасқаны жөн деп қорытындылады. Негізінен арнайы құрылған топтың сарапшылары олқылықтар анықталған жағдайда шара қолданбайды, тек оны түзету үшін ұсыныстар ғана жасай Асхананың тазалығы мен ас мәзіріне жалға алушы мекемелер жауапты, деді сарапшылар. Қателіктер мен олқылықтар анықталған жағдайда олар құзырлы органдар алдында жауап береді. 14- қаңтарда басталған сараптамалық топ жұмысы 1 ай көлемінде жалғасады. Бүгінде облыс бойынша 395 мектеп бар. Оның 95 пайызында оқушылар ыстық тамақпен қамтылған.