Өңірдің ауылшаруашылық саласының ақсап тұған тұсы көп. Мәселен, бөлінген қаржы тиімсіз игеріліп, субсидия мәселесі де шаруашылық иелерін сергелдеңге салуда. Бұдан бөлек егістік алқаптарында маман жетіспейді. Бүгін өңір басшысы Ералы Тоғжанов облыстық ауылшаруашылық тәжірибе станциясына барды. Облыс әкімінің сөзінше, жер- жерде саяси шиеленістің салдарынан азық-түлік бағасы шарықтаған. Базар сөрелерінде жергілікті өнім аз. Сондай-ақ біздің аймаққа құс еті мен жұмыртқа өндірісіне қолдау қажет. Ауыл шаруашылығын қандай өзгеріс күтеді?Облыста құстың етінен бөлек, жұмыртқасы да әжептәуір пұл болып тұр. Жергілікті құс фабрикалары ақтөбеліктерді құс өнімімен 5 пайыз ғана қамтуға қауқарлы. Құс шаруашылығы дамымай қалған өңірде оның еті мен жұмыртқасы сырттан тасымалданады. Ал өзге жақтан жеткізілетін өнімнің бағасы құбылмалы. Әлеуметтік маңызы бар азық-түліктің қатарындағы жұмыртқаның түйірінің бағасы бүгінде 70 теңгеге дейін жетті. Сондықтан облыс басшысы Ералы Тоғжанов аймақта құс еті мен жұмыртқа өндірісіне қолдау қажет екенін атап өтті. Өңірдің ауылшаруашылық саласының ақсап тұрған тұсы көп. Бүгін аймақ басшысы облыстық ауылшаруашылық тәжірибе станциясының ғалымдарымен жолықты. Қазіргі таңда егістік алқаптарында маман жетіспейді. Әкімінің сөзінше, жер- жерде саяси шиеленістің салдарынан азық-түлік бағасы шарықтаған. Базар сөрелерінде жергілікті өнім аз. Импортқа тәуелділікті жою қажет. Келесі жылы облыстық ауылшаруашылық тәжірибе станциясына мемлекет және облыс бюджетінен қаржы бөлініп, егістік алқаптарының мамандарын көбейту көзделіп отыр.Сондай-ақ аймақ басшысы Ералы Тоғжанов қаладағы Ш.Берсиев атындағы жоғары ауыл шаруашылығы колледжінің мамандарымен жолықты. Аталған оқу ордасында студентті құс саласына бағыттайтын маман жоқ. Осыны ескерген басшы колледжге жаңа мамандық бойынша кадр дайындауды тапсырды. Колледжде 700-ден астам студент оқиды. Олар агрономия, ветеринария, зоотехния, ауылшаруашылығын механикаландыру, орман шаруашылығы кәсібін игеріп шығады. Бүгінде елімізде мал тұқымын асылдандыру өзекті болып отыр. Әсіресе шет мемлекет осының арқасында ауыл шаруашылығын дамытып отыр. Ал колледж мамандары 3 жылдан бері малды ұрықтандырудың жаңа әдісіне көшкен. Мәселен, мына құрылғылар мал тұқымын будандастыруға арналған. Сондай-ақ малдың төлдеуін ерте білу үшін де ултрадыбыстық зерттеу құрылғысын пайдаланады. Аталған білім ордасына өткен жылы "Жас маман" жобасы аясында трактор, комбайн, шөп жинағыш, бүріккіш сынды 70-ке жуық техника сатып алынды. Оған 341 миллион теңге жаратылған. Колледжде барлығы 40 кабинетбар. Оның 20-сы зертхана. Бүгінгі кездесуден соң облыс басшысы Ералы Тоғжанов колледж оқытушыларына студенттердың тәжірибе жинақтауына көңіл бөлуді баса айтты.