Ақтөбеде коронавирустың тіркелу деректері төмендеді. Өткен тәулікте бір адамның ағзасынан ковид анықталған. Вирустың симптомсыз түрімен ауырған сырқат дереу оқшауланған. Ем-дом шараларын толық қабылдаған ол кейін ПТР-тестілеуден өтуі тиіс болады. "Ашық" жобасы енгізілгелі "сары" статуспен көше қыдырып, әлеуметтік нысандарға барып, әшкере болған тұрғындар жетерлік. 366 адамды құрайды. Ұялы телефонынан мәртебесін сұрау барысында "қызыл" статус көрсетілген 122 ақтөбелікке әкімшілік айыппұл салынған. Жаз айынан бері өндірілген айыппұл көлемі 5 млн теңгеден асады. 946 адамға айыппұл салынған.Сондай-ақ, өңірде вакцина егу науқаны жалғасып жатыр. Бірінші компонентпен 355 мың тұрғын екпе қабылдаған. Екінші компонентті 331 мың тұрғын салдыртқан. Облыста жүкті әйелдерге екпе салу науқаны қалыпты жағдайда жүргізіліп жатыр. 409 емізулі баласы бар ана вакцина алған. 623 жасөспірімге екпе егілген. Биылдыққа 1 млн 28 мың бірлік ПТР-тесті сынамасы зерттелген.