Кеше елде Ұлттық бірыңғай тестілеу басталды. Бұл жолы біздің облыста барлығы 1637 талапкер сынақ тапсырып жатыр. Бақылау қатаң. Карантиндік талаптардың сақталуы да назарда. 25 қаңтарға дейін 6 лекпен тапсырады. Келесі ұлттық біріңғай тестілеу наурыз, шілде және тамыз айларында өтеді. Ал маусым айында гранттан үмітті талапкерлер ғана ҰБТ тапсырады. Жалпы ел бойынша ҰБТ-ны 120 мыңнан астам адам тапсырады деп жоспарланып отыр. Олар - 11 сынып оқушылары, өткен жылы ҰБТ нәтижелері жойылған талапкерлер және шығармашылық білім беру бағдарламалары бойынша басқасына ауысқысы келетін студенттер.Сынақ ақпанның 5-іне дейін жалғасады. Республика бойынша барлығы 143 тестілеу өткізу пунктінде 1 230 аудитория жұмыс істейді, деп хабарлайды ҚР Білім және ғылым министрлігінің баспасөз қызметі. Тестілеу 5 пән бойынша өтеді: 3 міндетті және таңдаған мамандығына байланысты 2 бейінді пән. ҰБТ қатысушылары 4 сағат ішінде 120 сұраққа жауап береді. ҰБТ-ға қатысушылар барлығы 140 балл жинай алады.