Облыс әкімінің орынбасары бизес нысандарды аралап көрді

Облыс әкімінің орынбасары Абзал Әбдікәрімов жұмыс сапары аясында өңірдегі шағын және орта бизнес секторын дамытуға бағытталған екі маңызды жобаның жүзеге асырылу барысымен танысты. Алдымен «Метэкс Сервис» компаниясының құрылысымен танысты. Серіктестік 2 гектар жерге жөндеу және металл өңдеу орталығын салып жатыр. Бұл өнеркәсіптік жабдықтарды қалпына келтіру мен жөндеуге арналған нысан. Инвестициялық көлемі - 600 млн теңге, эксплуатация кезеңінде 62 жұмыс орны құрылатын болады. Орталық жыл сайын 1,5 млрд теңге көлемінде бөлшектер мен агрегаттарды жөндеуге мүмкіндік береді, дейді мамандар. Құрылыс жұмыстары 4 жыл бұрын басталған. Мұны естіген Абзал Әбдікәрімов компания мамандарына сын айтты. Орталық биыл пайдалануға берілуі тиіс. Орталық металл өңдеу, гидроцилиндрлерді қалпына келтіру, қуат агрегаттарын, беріліс қораптарын, редукторларды, электр қозғалтқыштарын және басқа бөлшектерді жөндеу секілді кең ауқымды қызметтерді ұсынады. Ал, екінші нысан - «Samat Group Interprise» серіктестігі. Компанияның шағын бөлшектік өнімдер өндірісі бойынша жаңа цехы пайдалануға берілді. Бұл цех құрылыс секторын сұранысқа ие өнімдермен қамтамасыз етеді. Жобаның инвестициялық көлемі - 1,5 млрд теңге, 22 жаңа жұмыс орны құрылды, ал кәсіпорынның жылдық қуаты - 4 492 мың бірлік өнім. Жобаны іске асыру отандық өнімдердің құрылыс материалдары нарығындағы үлесін арттыруға мүмкіндік береді. Сапар барысында Абзал Әбдікәрімов құрылыс жұмыстарының уақытында аяқталуы және жобаларды белсенді ілгерілету маңызды екенін айтты. 2 гектар жер тиімді пайдаланылуы шарт.
Количество показов: 60
Дата создания: 27.11.2025 00:53:41