Облысқа 32 мектеп автобусы сатып алынып жатыр. Соның сегізі қалаға жеткізілген. Зауыттан жаңа шыққан су жаңа көліктердің кілті мектеп директорларына табысталды. Бүгін пайдалануға берілген 8 автобус мектепке саяжайлардан қатынап оқитын балаларға арналған. Республика күніне орай берілген көліктер Қарағандыда құрастырылған. Биыл "Балалар жылы" аясында облыстық білім басқармасы мен "Индустриялық даму қоры" АҚ арасында 32 мектеп автобусын сату-сатып алу бойынша келісімшарт жасалған. Балалар автобустары 7 жылға лизингке алынды. Облыстық білім басқармасының басшысы қалаға таяу күндері тағы да әрқайсысы 20 орындық 23 автобус жеткізіледі деп отыр. Бүгінге дейін балалары алыстағы мектепке жаяу қатынап оқыған ата-аналардың қуанышында шек жоқ. 32 автобустың 15-і қалалық мектептерге беріледі. Ал қалғандары аудандарға жіберіледі. Облыс аумағында автобусқа қолы жетпей отырған мектептер әлі де аз емес. 5 мыңға жуық оқушы мектеп автобусына мұқтаж.