Шаһардағы қоқыс жәшіктерін күтіп ұстау мәселесі өткір күйінде қалып отыр. Биыл Астана ауданының өзінде 93 қоқыс жәшігі ағымдағы жөндеуден өткен. Қоқыс контейнерлерін тазарту жұмыстарымен аудандық әкімдік айналысады. Ал аудандағы қоқыс жәшіктерін "Neo Plus" және "Clean City Aktobe" ЖШС-рі жұмысшылары тазартады. Аталған серіктестіктерде техника жеткілікті. Көп қабатты тұрғын үйлердің контейнерлерін тазарту жұмыстары күнделікті жүргізіледі. Биыл Астана ауданы 500 жаңа қоқыс жәшігімен толыққан. Олар әуе қалашығы ауданының бірнеше көшесіне, Ә.Молдағұлова даңғылы бойындағы көпқабатты үйлер аулаларына орналастырылды. Үлкен ауданда контейнер жетіспеушілігі мәселесі әлі де бар. Сондықтан келер жылы мыңға жуық қоқыс контейнерлерін сатып алу мәселесі жоспарға енгізілген. Қосымша қаражат та бөлінеді. 120 контейнер алаңы жөндеуден өтеді.